श्रीमती रमशिला साहू

महिला अउ बाल विकास, समाज कल्याण मंत्री श्रीमती रमशीला साहू आजीविका अऊ कौशल विकास मेला म संघरिन

रायपुर 05 मई 2018। महिला अउ बाल विकास, समाज कल्याण मंत्री श्रीमती रमशीला साहू आज मंझनिया भिलाई के सेक्टर 01 स्थित नेहरु सांस्कृतिक भवन म ग्राम स्वराज अभियान के तहत आयोजित आजीविका अऊ कौशल विकास मेला म सामिल होइन। ए दौरान श्रीमती रमशीला साहू ह कौशल विकास योजना के तहत प्रशिक्षित बेरोजगार मन बर इंटरनेट वेबसाइट के शुभारम्भ करिन। उमन अपन उद्बोधन म कहिन कि देश के युवा ही देश के शक्ति हे अऊ राज्य शासन के उद्देश्य कौशल विकास योजना के माध्यम ले युवा मन ल कुशल बनाके उंखर आर्थिक अऊ सामाजिक उन्नयन करना हे। उमन ग्राम सुराज अभियान म जादा ले जादा सहभागिता के अपील करिन अऊ कहिन कि गाँव के हर एक मनखे तक विकास पहुँचाए अऊ उंखर समस्या मन के समाधान करे के उद्देश्य ले ग्राम स्वराज अभियान चलाए जात हे। ए अवसर म राजस्व मंत्री श्री प्रेम प्रकाश पांडेय, जिला पंचायत अध्यक्ष श्रीमती माया बेलचंदन, महापौर चरौदा श्रीमती चंद्रकांता मण्डले, दुर्ग कलेक्टर श्री उमेश अग्रवाल, मुख्य कार्यपालन अधिकारी जिला पंचायत दुर्ग श्री गौरव सिंह संग क्षेत्र के बहुत अकन जनप्रतिनिधि अऊ कई शासकीय विभाग मन के अधिकारी कर्मचारी उपस्थित रहिन।


मुहाचाही:  कोरबा के परियोजना सहायक श्रीमती अन्नपूर्णा साहू होइस सम्मानित