Desh डॉ. रमन सिंह रायपुर

मुख्यमंत्री ह देश के वरिष्ठ शिल्पकार मन ल करिन पुरस्कृत अऊ सम्मानित

मुख्यमंत्री डॉ. रमन सिंह ह काल बिहनिया इहां प्रदेश सरकार के ग्रामोद्योग विभाग अऊ केन्द्रीय कपड़ा मंत्रालय के हस्तशिल्प प्रभाग कोति ले आयोजित राष्ट्रीय हस्तशिल्प पुरस्कार समारोह म देश के जाने-माने वरिष्ठ अऊ सिद्धहस्त शिल्‍पी मन ल शिल्पगुरू पुरस्कार अऊ राष्ट्रीय पुरस्कार ले सम्मानित करिन। कार्यक्रम के अध्यक्षता केन्द्रीय कपड़ा मंत्री श्रीमती स्मृति जुबिन ईरानी ह करिन। छत्तीसगढ़ सरकार के ग्रामोद्योग मंत्री श्री पुन्नूलाल मोहले अऊ रायपुर के लोकसभा सांसद श्री रमेश बैस घलोक समारोह म उपस्थित रहिन।
प्रदेश सरकार के ग्रामोद्योग विभाग के अधिकारी मन ह बताइन के ये पहली अवसर हे, जब राष्ट्रीय हस्तशिल्प पुरस्कार वितरण बर प्रदेश के राजधानी रायपुर म समारोह आयोजित करे गीस। मुख्यमंत्री डॉ. रमन सिंह के विशेष आग्रह म केन्द्रीय कपड़ा मंत्रालय ह ये आयोजन रायपुर म करे के निर्णय लेहे रहिस। कपड़ा मंत्रालय के तरफ ले ए अवसर म साल 2016 के सिद्ध हस्तशिल्पि मन ल शिल्प गुरू पुरस्कार अऊ राष्ट्रीय पुरस्कार देहे गीस। आयोजन म आठ शिल्‍पी मन ल शिल्प गुरू पुरस्कार अऊ 25 शिल्‍पी मन ल राष्ट्रीय पुरस्कार ले सम्मानित करे गीस। शिल्प गुरू पुरस्कार के शुरूआत केन्द्र सरकार कोति ले साल 2002 म करे गए रहिस। पुरस्कार के रूप म दू लाख रूपिया नगद अऊ एक स्वर्ण सिक्का के संग शॉल, प्रमाण पत्र अऊ ताम्र पत्र दीए जाथे। जऊन शिल्पकार मन ल साल 2016 के शिल्प गुरू पुरस्कार दे गीस, ओमां दिल्ली के श्री मोहम्मद मतलूब, जम्मू-कश्मीर के गुलाम हैदर मिर्जा, ओड़िशा के श्री रूपम माथरू, पंजाब के श्री गोपाल सैनी, राजस्थान के सर्वश्री अर्जुन प्रजापति अऊ बाबूलाल मरोटिया, पश्चिम बंगाल के सुश्री तृप्ति मुखर्जी सामिल हे।




राष्ट्रीय हस्तशिल्प पुरस्कार के स्थापना केन्द्र सरकार कोति ले साल 1965 म करे गए रहिस। ये पुरस्कार सिद्ध हस्तशिल्‍पी मन ल ऊंखर शिल्प के संवर्धन अऊ कौशल स्तर बर देहे जाथे। राष्ट्रीय पुस्कार म ले हर एक म एक लाख रूपिया नगद, एक शॉल, एक प्रमाण पत्र अऊ ताम्र पत्र देहे के प्रावधान हे। साल 2016 के ए पुरस्कार मन बर बिहार के सुश्री हेमा देवी, दिल्ली के सुश्री ममता देवी, गुजरात के श्री मोहम्मद याकूब खत्री, गुजरात के ही श्री अब्राहिम हसन खत्री, कर्नाटक के सुश्री उषा जे पवार, विनिता प्रकाश अऊ सरोजनी एन.यासमी, मणिपुर के अनुबम कल्पना देवी, ओड़िशा के सुकन्ती स्वान, तेलांगना के डी वेन्कुटम, पश्चिम बंगाल के सुश्री कल्पना चित्रकार, आंध्रप्रदेश के श्री खंडु श्रीवासलु, तमिलनाडु के श्री आर. रविन्द्रम, दिल्ली के श्री सुधीर फड़नेस, उत्तरप्रदेश के श्री राजेन्द्र सिंह यादव, पंजाब के श्री कमलजीत, ओड़िशा के श्री शरदकुमार प्रधान, उत्तरप्रदेश के श्री हसन अहमद, राजस्थान के सर्वश्री अमृतलाल सिरोहिया, राजेंद्र कुमार, गजेंद्र सोनी, मोहनलाल गुज्जर, पश्चिम बंगाल के श्री तापस कुमार, बिहार के श्री धीरेन्द्र कुमार अऊ जम्मू-कश्मीर के श्री रियाज अहमद खान के चयन करे गए हे।
अधिकारी मन ह बताइन के केन्द्रीय कपड़ा मंत्रालय के योजना के तहत छत्तीसगढ़ प्रदेश म अब तक 18 हस्तशिल्‍पी मन ल कई ठन विधा मन म राष्ट्रीय पुरस्कार ले सम्मानित करे गए हे। ए पइत के आयोजन म मिट्टी शिल्प बर श्री अशोक कुमार चक्रधारी ल राष्ट्रीय मेरिट प्रमाण पत्र ले सम्मानित करे जाही। छत्तीसगढ़ हस्तशिल्प विकास बोर्ड कोति ले अब तक 91 शिल्पकार मन ल कई ठन विधा मन म राज्य स्तरीय पुरस्कार ले नवाजा जा चुके हे। राज्य निर्माण के बाद छत्तीसगढ़ म हस्तशिल्‍पी मन के संख्या 2600 ले बढ़के अब तक 17 हजार के आस-पास पहुंच गए हे। ये संख्या हस्तशिल्प के प्रति युवा मन के रूझान ल घलोक प्रदर्शित करथे। प्रदेश सरकार के ग्रामोद्योग विभाग के उपक्रम छत्तीसगढ़ हस्तशिल्प विकास बोर्ड कोति ले राज्य हस्तशिल्प पुरस्कार योजना संग हस्तशिल्‍पी मन ल बाजार देवाए बर शबरी एम्पोरियम, छत्तीसगढ़ हाट अऊ माटी कला बोर्ड के स्थापना करे गए हे। गरियाबंद, मोहला, मानपुर अऊ बेलतरा म बांस शिल्प परियोजना अउ कोण्डागांव म बस्तर हस्तशिल्प विकास परियोजना के संचालन करे जात हे। शिल्‍पी मन बर डिजाइनिंग विकास संग मासिक आर्थिक सहायता योजना घलोक शुरू गए हे। बोर्ड ह छत्तीसगढ़ म हस्तशिल्प ल बढ़ावा देहे बर केन्द्र सरकार ल 26 करोड़ 56 लाख रूपिया के एकीकृत डिजाइन परियोजना के घलोक प्रस्ताव भेजे हे। ये मां दू हजार शिल्पी परिवार मन ल लाभ देवाए के लक्ष्य हे।



मुहाचाही:  छत्तीसगढ़ के सांस्कृतिक अऊ साम्प्रदायिक एकता बेमिसालः डॉ. रमन सिंह