श्रद्धांजली

मुख्यमंत्री ह वरिष्ठ पत्रकार श्री रविन्द्र सिंह ठाकुर के निधन म गहरा दुःख व्यक्त करिन

दुर्ग प्रेस क्लब के अध्यक्ष रहिन स्वर्गीय श्री ठाकुर

रायपुर, 02 अपरेल 2018। मुख्यमंत्री डॉ. रमन सिंह ह राज्य के वरिष्ठ पत्रकार अऊ दुर्ग प्रेस क्लब के अध्यक्ष श्री रविन्द्र सिंह ठाकुर के निधन म गहरा दुःख व्यक्त करे हें। श्री ठाकुर के आज बिहनिया नई दिल्ली के अखिल भारतीय आयुर्विज्ञान संस्थान के अस्पताल म निधन हो गीस। डॉ. रमन सिंह ह छत्तीसगढ़ प्रदेश अऊ दुर्ग जिला के पत्रकारिता म श्री रविन्द्र सिंह ठाकुर के योगदान के उल्लेख करत कहिन कि ऊंखर निधन ले हम सब मन एक निर्भीक, निष्पक्ष अऊ ऊर्जावान पत्रकार ल हमेशा बर खो देहे हवन। डॉ. सिंह ह स्वर्गीय श्री ठाकुर के शोक संतप्त परिवार के प्रति संवेदना प्रकट करे हें अऊ दिवंगत आत्मा के शांति बर ईश्वर ले प्रार्थना करे हें। स्वर्गीय श्री रविन्द्र सिंह ठाकुर राजधानी रायपुर के सांध्य दैनिक ’छत्तीसगढ़’ के दुर्ग ब्यूरो प्रमुख घलोक रहिन। ओ मन दुर्ग जिला के ग्राम सेलूद के निवासी रहिन। उंखर अंतिम संस्कार सेलूद के मुक्तिधाम म काल तीन अप्रैल के दिन मंझनिया 12 बजे करे जाही।


मुहाचाही:  मुख्यमंत्री ह वरिष्ठ पत्रकार श्री गोविन्द लाल वोरा के निधन म गहरा दुःख व्यक्त करिन