Yojana रायपुर

विशेष सचिव ह लीस समाज कल्याण विभाग के राज्यस्तरीय समीक्षा बैठक

रायपुर, 26 अप्रैल 2018। समाज कल्याण विभाग के राज्यस्तरीय समीक्षा बैठक म विशेष सचिव श्री आर प्रसन्ना ह आज विभाग के जनकल्याणकारी योजना अऊ विभागीय कामकाज के समीक्षा करिन। श्री प्रसन्ना ह जिला मन म पदस्थ अधिकारी मन ल निर्देश दीन के ओ मन 40 प्रतिशत ले जादा विकलांगता वाले सबो बी पी एल दिव्यांगजन मन ल पेंशन देना सुनिश्चित करव। एखर बर सर्वे के आधार म दिव्यांगता के प्रमाणपत्र जारी करे बर विशेष कार्य योजना बनावव। बैठक म बताए गीस कि साल 2011 के जनगणना के आधार म अभी हाले म प्रदेश म दिव्यांगजन मन के जनसँख्या 06 लाख 24 हजार 937 हे जेमां ले 40 प्रतिशत ले जादा विकलांगता वाले दिव्यांगजन के जनसँख्या दू लाख 61 हजार 919 हे। अब तक दू लाख 42 हजार दिव्यांगजन मन ल प्रमाणपत्र प्रदान करे गए हे। उमन कहिन कि सबो दिव्यांगजन मन ल राशन कार्ड, दिव्यांगजन प्रमाणपत्र, देवाए बर कारगर कार्य योजना बनाके युद्धस्तर म काम करव। ताकि ओ मन ल शासन के योजना मन के लाभ मिल सकय। बैठक म बताइए गीस कि अभी हाले म एक लाख 13 हजार 567 दिव्यांगजन मन ल विभाग के पेंशन योजना के लाभ मिलत हे अऊ अब तक 31 हजार 664 दिव्यांगजन मन ल राशन कार्ड प्रदान करे गए हे। ए प्रगति म श्री आर प्रसन्ना ह असंतोष व्यक्त करिन अऊ कार्य म प्रगति लाय के निर्देश दीन। उमन कहिन कि ए संबंध म अब कोनो प्रकार के लापरवाही अऊ धीमी प्रगति बर्दाश्त नइ करे जाय। बैठक म बताए गीस कि कृत्रिम अंग प्रदाय योजना के तहत 56 हजार 733, आवास योजना मन म 2540, ऋण योजना मन म 2540 दिव्यांगजन मन ल लाभान्वित करे जात हे। बीमा योजना म अब तक 20 हजार 981 दिव्यांगजन मन ल पंजीकृत करे गए हे।
बैठक म समाज कल्याण विभाग के संचालक डॉ संजय अलंग ह विभाग कोति ले सामाजिक सहायता कार्यक्रम के तहत निराश्रित, दिव्यांगजन, विधवा अउ परित्यक्ता महिला मन अउ वृद्धजन मन ल देहे जात पेंशन के समीक्षा करत कहिन कि कोनो हितग्राही पेंशन ले वंचित झन रहय। उमन बैठक म सबो पेंशन प्राप्तकर्ता मन ल सीधा ऊंखर बैंक खाता मन के माध्यम ले राशि भुगतान बर डायरेक्ट बेनिफिट ट्रांसेक्शन योजना के प्रगति के घलोक जानकारी लीन। बैठक म प्रदेश म संचालित बहुविकलांग केंद्र, विशेष विद्यालय, वृद्धाश्रम, नशामुक्ति केंद्र के कामकाज के घलोक समीक्षा करे गीस। बैठक म अपर संचालक एम एल पाण्डेय, संयुक्त संचालक राजेश तिवारी, उप संचालक श्री पंकज वर्मा संग सबो जिला मन ले समाज कल्याण विभाग के अधिकारी कर्मचारी मौजूद रहिन।

मुहाचाही:  श्री केदार कश्यप ह राष्ट्रीय शालेय क्रीडा प्रतियोगिता म पदक पाये खिलाड़ी मन ल करिस सम्मानित