केदार कश्यप रायपुर

समाज के सबो वर्ग के कल्याण बर करे जात हवय प्रयास: श्री कश्यप

रायपुर 2 जुलाई 2018। आदिम जाति, अनूसूचित जाति अऊ अल्प संख्यक विकास मंत्री श्री केदार कश्यप ह आज इहां छत्तीसगढ़ अल्पसंख्यक आयोग कोति ले आयोजित जिला स्तरीय अल्पसंख्यक सम्मेलन अउ ईद मिलन समारोह म मुख्य अतिथि के रूप म सामिल होइन। राजधानी रायपुर के वृन्दावन हॉल म आयोजित सम्मेलन ल सम्बोधित करत श्री कश्यप ह कहिन कि हिन्दू मुस्लिम सिख, इसाई, बैद्ध, जैन संग सबो धर्म के मनखे मन ह आज ए कार्यक्रम म सामिल होके सामाजिक समरसता अऊ सर्वधर्म समभाव के भावना के परिचय देहे हें। उमन कहिन कि प्रदेश के मुख्यमंत्री डॉ. रमन सिंह के नेतृत्व म हमार राज्य म सबो समाज ल जोड़े के काम करे जात हे। समाज के सबो वर्ग के विकास बर प्रदेश सरकार लगातार प्रयासरत हे। कौशल उन्नयन अउ शिक्षा के क्षेत्र म विशेष काम करे जात हे ताकि सबो वर्ग के जीवन स्तर ऊंचा उठ सकय। ए अवसर म सबो मनखे मन ह मिलके राज्य के खुशहाली अउ तरक्की के कामना करिन। कार्यक्रम म उपस्थित सबो समाज के गुरू मन के सम्मान घलोक करे गीस।




ए अवसर म संसदीय सचिव अउ विधायक श्री अम्बेश जांगड़े, अल्पसंख्यक आयोग के अध्यक्ष श्री सुरेन्द्र सिंह केम्बो, अनुसूचित जनजाति आयोग के अध्यक्ष श्री जी.आर. राना, छत्तीसगढ़ हज कमेटी के अध्यक्ष श्री सैय्यद सैफुद्दीन, छत्तीसगढ़ उर्दू अकादमी के अध्यक्ष श्री अकरम कुरैशी, छत्तीसगढ़ मदरसा बोर्ड के अध्यक्ष श्री मिर्जा एजाज बेग, समाज कल्याण बोर्ड के अध्यक्षा श्रीमती शोभा सोनी, महिला आयोग के अध्यक्षा श्रीमती हर्षिता पाण्डेय, अनुसूचित जनजाति आयोग के उपाध्यक्ष श्री विकास मरकाम, सी.एस.आई.डी.सी. के अध्यक्ष श्री छगन मूंदड़ा, आर.डी.ए. के अध्यक्ष श्री संजय श्रीवास्तव, अल्पसंख्यक आयोग के सदस्य श्री तौकीर रजा, मुस्लिम समाज के मौलाना ईमरान रजा, सिख समाज के धर्मगुरू श्री जोगिन्दर अउ श्री अमृत, बौद्ध समाज के धर्मगुरू भन्ते बुद्धघोष, इसाई समाज के श्री अनिल कुमार अउर श्री जोसफ, जैन समाज के श्री जय कुमार बैद अउ अल्पसंख्यक आयोग के सचिव श्री बद्रिश सुखदेव संग बड़ संख्या म कई ठन समुदाय के मनखे उपस्थित रहिन। कार्यक्रम के संचालन अल्पसंख्यक आयोग के सदस्य श्री तौकीर रजा ह करिन।



मुहाचाही:  मुख्यमंत्री ले राज्य हज कमेटी के पदाधिकारी मन ह करिन सौजन्य मुलाकात