बृजमोहन अग्रवाल

समर्थन मूल्य म वृद्धि ले किसान मन के जीवन म आही खुशहाली : श्रीमती कृष्णा राज

रायपुर, 05 जुलाई 2018। केन्द्रीय कृषि अऊ किसान कल्याण राज्य मंत्री श्रीमती कृष्णा राज ह केन्द्र सरकार कोति ले खरीफ फसल मन के सबले कम समर्थन मूल्य ल बढ़ा केर लागत के डेढ़ गुना करइ ल ऐतिहासिक कदम बतात कहिन के एखर से किसान मन के आर्थिक स्थिति बेहतर होही अऊ ऊंखर जीवन म खुशहाली आही। उमन कहिन कि प्रधामंत्री श्री नरेन्द्र मोदी कोति ले देश के किसान मन के आय साल 2022 तक दुगुना करे के संकल्प बर केन्द्र सरकार कृतसंकल्प हे। श्रीमती कृष्णा राज आज इहां राज्य शासन के कृषि अउ जैव प्रौद्योगिकी विभाग अउ इंदिरा गांधी कृषि विश्वविद्यालय के संयुक्त तत्वावधान म आयोजित मौसम आधारित समसामयिक कृषि काम म प्रशिक्षण कार्यशाला अउ सूचना क्रांति योजना के तहत लैपटॉप वितरण समारोह ल संबोधित करत रहिन। ए अवसर म राज्य के कई ठन जिला मन ले आए किसान मन ह केन्द्र सरकार कोति ले खरीफ फसल के समर्थन मूल्य म बढ़ोतरी करे बर प्रधानमंत्री श्री मोदी के प्रति आभार व्यक्त करिन।
कार्यक्रम म छत्तीसगढ़ के कृषि मंत्री श्री बृजमोहन अग्रवाल, सांसद रायपुर श्री रमेश बैस, पूर्व विधानसभा अध्यक्ष श्री धरमलाल कौशिक, पूर्व राज्य मंत्री श्री पूनम चन्द्राकर, कृषि उत्पादन आयुक्त श्री सुनील कुजूर अऊ इंदिरा गांधी कृषि विश्वविद्यालय के कुलपति डॉ. एस.के. पाटील घलोक उपस्थित रहिन।

मुहाचाही:  छत्तीसगढ़िया-उड़िया मिलके करत हें प्रदेश के विकास- बृजमोहन