अजय चन्द्राकर

सरकारी योजना मन बदलत हे गांव मन के तस्वीर : मंत्री श्री चन्द्राकर

रायपुर, 1 मई 2018। पंचायत अउ ग्रामीण विकास मंत्री श्री अजय चन्द्राकर ह 30 अपरेल के दिन कुरूद के कई ठन गांव मन बर करीबन दू करोड़ 70 लाख रूपिया के विकास काम मन के लोकार्पण करिन। श्री चन्द्राकर ह ए मौका म कहिन कि राज्य सरकार गांव वाले मन के सामाजिक अउ आर्थिक विकास बर भरपूर प्रयास करत हे अऊ एकर लाभ घलोक गांव वाले मन ल मिलत हे। उमन कहिन कि सरकारी योजना मन अऊ जन कल्याणकारी कार्यक्रम मन के बदौलत हर तरफ चौतरफा विकास होवत हे, जेखर से गांव वाले मन के तकदीर अऊ गांव मन के तस्वीर बदलत हे। श्री चन्दाकर कुरुद विकासखण्ड के ग्राम सिंधौरीखुर्द, सिंधौरीकला, जोरातराई (न) अउ सेलदीप के गांव वाले मन ले भेंट करके उंख समस्या मन ले अवगत होइन।
ए अवसर म कुरूद जनपद पंचायत के अध्यक्ष श्रीमती पूर्णीमा साहू, उपाध्यक्ष श्री छत्रपाल बैस, जनपद सदस्य सुश्री प्रेमलता मिश्रा संग बड़ संख्या म ग्रामीण उपस्थित रहिन।


मुहाचाही:  नवा बने 30 बिस्तर शहरी स्वास्थ्य केन्द्र के स्वास्थ्य मंत्री श्री चन्द्राकर ह करिस लोकार्पण