Success Stories Success story

सौर ऊर्जा ले रोशन होवत हे जनजातीय बाहुल्य गांव मन

रायपुर, 04 मई 2018। बिलासपुर जिला के गौरेला विकासखंड म अमरकंटक ले लगे पहाड़ मन के बीच स्थित गांव ठाड़पथरा म संझा होतेच अंधियार हो जात रहिस। पहाड़ मन ले घिरे होए के सेती आन गांव के तुलना म अंधियार पहिलिच ले पसर जात रहिस। गांव के महिला मन ल जम्‍मो घरेलू काम जल्दी निपटाना परत रहिस, ताकि रात म दिक्कत झन होवय। इंकर जिन्दगी रात म थम जात रहिस। फेर ए गांव के निवासी मन के जिन्दगी लउहे च बदलइया हे। महिला मन ल अब जेवन बनाए के जल्दी नइ होही अऊ न लइका मन ल चिमनी-कंडिल के अंजोर म आंखी गडि़याके पढ़े के जरूरत होही। ए गांव म लउहे 88 किलोवाट के सौर ऊर्जा संयत्र स्थापित होवइया हे। एकर काम आखरी चरण म हे। एखर से गांव के 260 घर मन म बिजली पहुंचही। गांव के सड़क मन म घलोक अंजोर होगी।




इही विकासखंड के आदिवासी बइगा बाहुल्य ग्राम वेदखोंदरा, मगरदंत, चाटीडांड, गौरपुरी, बगदरा, पटपरी, डुबराटोला, आमाडोब, छुटकीखार, भनवारटंक म करीबन 3 करोड़ के लागत ले सौर विद्युतीकरण के काम पूरा कर ले गए हे। ए बइगा बाहुल्य गांव मन के 500 परिवार मन के घर सौर बिजली के रोशनी ले जगमग हे। ए गांव मन म सौर संयत्र के स्थापना करके घर मन म बिजली पहुंचाए गए हे। जिहां तकनीकी दिक्कत मन के सेती बिजली लाईन नइ पहुंचाए जा सकत रहिस। अब हर एक घर म 160 वाट तक बिजली उपभोग के सुविधा हवय, जेखर से घर मन म टी.व्ही., 2 पंखा, 4-5 बल्ब इहां तक छोटे फ्रिज घलोक चल सकत हे। हर एक घर म 3 एलईडी बल्ब अऊ 1 सॉकेट पांईट दे गए हे। अब ए क्षेत्र म निवास करइया बइगा मन के जिन्दगी आसान हो गए हे।


मुहाचाही:  ग्राम पंचायत मुसरकला ल राष्ट्रीय पंचायत सशक्तिकरण पुरस्कार : मुख्यमंत्री डॉ. रमन सिंह दीन बधाई