Yojana बीजापुर

प्रधानमंत्री के दौरा के बाद भारतीय स्टेट बैंक ह केन्द्र-राज्य के योजना मन म बढ़ाईस अपन भागीदारी

बीजापुर, 29 जून 2018। प्रधानमंत्री श्री नरेन्द्र मोदी के दौरा के बाद छत्तीसगढ़ के आदिवासी बहुल बीजापुर जिला म भारतीय स्टेट बैंक ह घलोक केन्द्र के कई ठन योजना मन म अपन भागीदारी बढ़ा देहे हे।
बैंक के भोपाल वृत्त के नवा मुख्य महाप्रबंधक श्री राजेश कुमार ह आज ए जिला के दौरा करिन। उमन नक्सल हिंसा पीडि़त ए जिला के ग्राम बोरजे अऊ विकासखण्ड मुख्यालय भैरमगढ़ म आयोजित केन्द्र सरकार के वित्तीय समावेशन शिविर मन म हिस्सा लीन। मुख्य महाप्रबंधक ह ए शिविर मन म गांव वाले मन ल प्रधानमंत्री जन-धन योजना, प्रधानमंत्री जीवन ज्योति बीमा योजना अऊ प्रधानमंत्री सुरक्षा बीमा योजना के प्रावधान अऊ उंखर से होवइया फायदा मन के बारे म विस्तार ले बताइन। श्री कुमार ह बीजापुर प्रवास के समय उहां के जिला कलेक्टर श्री अयाज तम्बोली अऊ प्रशासन के वरिष्ठ अधिकारी मन ले मुलाकात करिन। मुख्य महाप्रबंधक ह बीजापुर स्थित सबो बैंक मन के अधिकारी मन के बैठक लीन। उमन कहिन -केन्द्र अऊ राज्य सरकार के हितग्राहीमूलक योजना मन के जादा ले जादा लाभ जरूरतमंद मनखे मन तक पहुंचाए म बैंक शाखा मन के भूमिका बहुत महत्वपूर्ण होथे।



मुहाचाही:  ग्रामीण योजना मन के मॉनीटरिंग म सर्वश्रेष्ठ पहल बर छत्तीसगढ़ ल मिलीस राष्ट्रीय पुरस्कार