Sanskruti

पद्मश्री अलंकरण समारोह : प्रधानमंत्री ह पंडित श्याम लाल चतुर्वेदी अऊ श्री दामोदर गणेश बापट ल दीन बधाई

  • राष्ट्रपति भवन म श्री कोविंद संग श्री मोदी ह करिन दुनों वरिष्ठजन मन ले आत्मीय मुलाकात
  • छत्तीसगढ़ी भाखा ल संविधान के आठवीं अनुसूची म सामिल करे के करिन अनुरोध

रायपुर, 02 अप्रैल 2018। प्रधानमंत्री श्री नरेन्द्र मोदी ह छत्तीसगढ़ के वरिष्ठ साहित्यकार अऊ पत्रकार पंडित श्यामलाल चतुर्वेदी ल आज राष्ट्रपति भवन नई दिल्ली म पद्मश्री अलंकरण ले सम्मानित होए म उंखर से आत्मीय मुलाकात करके ओ मन ल बधाई दीन। श्री मोदी ह ए अवसर म पद्मश्री अलंकरण ले नवाजे गए छत्तीसगढ़ के वरिष्ठ समाज सेवी श्री दामोदर गणेश बापट ल घलोक बधाई दीन। प्रधानमंत्री ह छत्तीसगढ़ के दुनों वरिष्ठजन मन के अच्छा स्वास्थ्य अऊ सुदीर्घ जीवन के कामना करिन।



आप मन ल बता देवन के आज संझा राष्ट्रपति श्री रामनाथ कोविंद ह उहां आयोजित समारोह म श्री चतुर्वेदी अऊ श्री बापट ल पद्मश्री अलंकरण ले सम्मानित करिन। ए अवसर म उपराष्ट्रपति श्री एम. वेंकैया नायडू, केन्द्रीय गृह मंत्री श्री राजनाथ सिंह संग श्री अनंत कुमार अऊ आन बहुत अकन केन्द्रीय मंत्री अउ वरिष्ठजन उपस्थित रहिन। पंडित श्यामलाल चतुर्वेदी ह ए मौका म राष्ट्रपति श्री रामनाथ कोविंद ल सौंउपे गए पत्र म भारत सरकार ले ऊंखर हाथ पद्मश्री अलंकरण दीए जाय म आभार व्यक्त करे हें। श्री चतुर्वेदी ह पत्र म छत्तीसगढ़ी भाखा ल संविधान के आठवीं अनुसूची म सामिल करे के घलोक अनुरोध करे हें। श्री चतुर्वेदी ह प्रधानमंत्री ले घलोक संक्षिप्त चर्चा के बेरा ए संबंध म आग्रह करिन। ए बात म प्रधानमंत्री ह ऊंखर सुझाव म विचार करे के आश्वासन दीन अऊ ओ मन ल अपन सेहत के ख्याल रखे के सलाह दीन।

मुहाचाही:  भरथरी गायिका 69 वार्षिय सुरुज बाई खांडे के निधन.