डॉ. रमन सिंह

मुख्यमंत्री ह कुमारी स्पंदना पल्ली ल दीन बधाई

रायपुर, 24 जून 2018। मुख्यमंत्री डॉ. रमन सिंह ले काल इहां ऊंखर निवास कार्यालय म फेमिना मिस इंडिया प्रतियोगिता-2018 म छठवां स्थान म पवइया छत्तीसगढ़ के कुमारी स्पंदना पल्ली ह सौजन्य मुलाकात करिन। रायपुर निवासी स्पंदना मिस इंडिया छत्तीसगढ़ 2018 के विजेता घलोक हे। मुख्यमंत्री ह ए शानदार उपलब्धि बर स्पंदना ल बधाई अऊ शुभकामना देवत ओ मन के उज्जवल भविष्य बर आशीर्वाद प्रदान करिन।




स्पंदना ह मुख्यमंत्री ल बताइस के ए महिना के 19 तारीक को मुंबई म प्रतियोगिता के फाईनल होइस, प्रतियोगिता म ओ मन ल छठवां स्थान मिलीस। एखरे संगें संग एक अंतर्राष्ट्रीय टूर अऊ ट्रेवल एजेंसी कोति ले आयोजित प्रतियोगिता म उमन पहिली स्थान प्राप्त करे हे। ए स्पर्धा म प्रतिभागी मन ल अपन राज्य के पर्यटन स्थल उपर केन्द्रित दू मिनट के वीडियो तैयार करके देखाना रहिस। स्पंदना ह मुख्यमंत्री ल बताइस कि वो ह छत्तीसगढ़ के सुप्रसिद्ध पर्यटन स्थल चित्रकूट, तीरथगढ़, गंगरेल अऊ प्रज्ञागिरी जइसे मनोरम स्थान मन के दू मिनट के वीडियो तैयार करके प्रदर्शित करे रहिस। जऊन ल यू-ट्यूब म करीबन साढ़े चार लाख दर्शक मन ह देखिन। डॉ.सिंह ह ए उपलब्धि बर घलोक स्पंदना ल बधाई अऊ शुभकामना दीन।



मुहाचाही:  मुख्यमंत्री ले कई ठन व्यापारिक संगठन मन के प्रतिनिधि मंडल करिस मुलाकात