डॉ. रमन सिंह

मुख्यमंत्री ह विश्व प्रसिद्ध अंतरिक्ष वैज्ञानिक श्री स्टीफन हॉकिन्स के निधन म शोक प्रकट करिन

रायपुर, 14 मार्च 2018। छत्तीसगढ़ के मुख्यमंत्री डॉ. रमन सिंह ह विश्व प्रसिद्ध भौतिक शास्त्री अऊ अंतरिक्ष वैज्ञानिक श्री स्टीफन हॉकिन्स के निधन म गहरा दुःख व्यक्त करिन। डॉ. सिंह ह आज इहां जारी शोक संदेश म कहिन कि स्वर्गीय श्री हॉकिन्स ह अपन 76 साल के जीवन म करीबन 40 साल शारीरिक विकलांगता के सेती व्हील चेयर म गुजारिन, फेर उमन अपन आत्म विश्वास अऊ अपन दृढ़ इच्छा शक्ति ले विकलांगता ल परास्त करिन अऊ अपन अध्ययन, अनुसंधान अऊ परिश्रम ले दुनिया ल भौतिकी अउ अंतरिक्ष विज्ञान के क्षेत्र म कई नवा आविष्कारों के सौगात दीन। उमन अंतरिक्ष के ब्लैकहोल अऊ बिगबैंग के सिद्धांत मन के प्रतिपादन करिन। मुख्यमंत्री ह कहिन- स्वर्गीय श्री स्टीफन हॉकिन्स ल आईजक न्यूटन अऊ अल्बर्ट आइंस्टिन के समकक्ष वैज्ञानिक माने जात रहिस। ब्रम्हाण्ड के रहस्य म उंखर पुस्तक ’अ ब्रीफ हिस्ट्री ऑफ टाइम’ विज्ञान जगत म खूब चर्चित होइस। मुख्यमंत्री ह स्वर्गीय श्री स्टीफन हॉकिन्स के निधन ल पूरा दुनिया के विज्ञान जगत बर एक अपूरणीय क्षति बताइन। उमन ऊंखर शोक संतप्त कुटुंब के प्रति संवेदना प्रकट करे हें अऊ दिवंगत आत्मा के शांति बर ईश्वर ले प्रार्थना के हें।



मुहाचाही:  मुख्यमंत्री ह पुसल्दा समाधान शिविर म दीन करीबन 14 करोड़ रूपिया के विकास काम मन के सौगात