डॉ. रमन सिंह

मुख्यमंत्री ह ग्राम स्वराज अभियान के समापन समारोह म 10 स्वच्छता दूत मन ल करिन सम्मानित

रायपुर, 5 मई 2018। मुख्यमंत्री डॉ. रमन सिंह ह आज इहां सरदार बलबीर सिंह जुनेजा इंडोर स्टेडियम म आयोजित ग्राम स्वराज अभियान के समापन समारोह अउ आजीविका अउ कौशल विकास मेला के शुभारंभ कार्यक्रम म स्वच्छता के क्षेत्र म उल्लेखनीय काम करइया 10 स्वच्छता दूत मन ल सम्मानित करिन।
मुख्यमंत्री के हाथ सम्मानित ए स्वच्छता दूत मन म दंतेवाड़ा जिला के ग्राम झोड़ियाबाडम के श्री बलराम कश्यप, गांव म मनखे मन ल शौचालय निर्माण बर प्रेरित करे म अहम भूमिका निभाए बर, कोण्डागांव के ग्राम बड़ेकनेरा के श्री प्रकाश चुरगिया ल युवा मन अऊ महिला मन ल खुले म शौच मुक्‍त पंचायत बनाए बर करे प्रयास मन बर, रायगढ़ जिला विकासखण्ड सारगंढ़ के श्री नारायण गोस्वामी ल ओडीएफ स्थायित्व बर, दुर्ग जिला के ग्राम रिसामा के श्रीमती योगिता चन्द्राकर ल ग्राम पंचायत म ओडीएफ स्थायित्व बर, बेमेतरा जिला के ग्राम रवेली के श्री कैलाश ल शौचालय के नियमित उपयोग बर मनखे मन ल जागरूक करे, सरगुजा जिला के ग्राम करमहा के श्रीमती रश्मि महंत ल शौचालय उपयोग बर महिला मन ल जागरूक करे बर, जशपुर जिला के ग्राम गट्टीगुड़ा के श्रीमती जेम्मो टोप्पो ल चौपाल के संग जन-जागरूकता बर अऊ कबीरधाम (कवर्धा) जिला के ग्राम कुम्ही के श्री विधानंद चन्द्रवंशी ल शौचालय निर्माण पूरा कराए म सहयोग बर सम्मानित करिन। इही प्रकार धमतरी जिला के ग्राम भुसरेंगा के श्री कौशल चन्द्राकर ल शौचालय के नियमित उपयोग अऊ स्थायित्व बर अऊ रायपुर जिला के ग्राम टेंमरी के श्रीमती त्रिवेणी साहू ल शौचालय अउ स्वास्थ्य के प्रति जागरूकता बर सम्मानित करिन।

मुहाचाही:  मुख्यमंत्री ह कक्षा पांचवी के छात्रा शोभा ल दीन असीस