Rojgar Samachar रायगढ़

भारतीय वायु सेना भर्ती रैली 16 मई ले रायगढ़ म

रायपुर, 26 अप्रैल 2018। भारतीय वायु सेना कोति ले मई 2018 म ग्रुप वाई के भर्ती रैली परीक्षा अवईया 16 मई ले 21 मई तक मिनी स्टेडियम, कलेक्टोरेट कार्यालय तीर रायगढ़ म आयोजित करे जात हे। ए भर्ती रैली परीक्षा म प्रदेश के सबो जिला मन के अभ्यर्थी वायुसेना के वेबसाईट www.indianairforce.nic.in म लॉगइन करके जानकारी ले सकत हें। जादा जानकारी बर एयरमेन भर्ती कार्यालय, 15 वायु सैनिक चयन केन्द्र, भोपाल म कार्यालयीन समय म दूरभाष नंबर 0755-2661955 म या जिला सैनिक कल्याण कार्यालय रायपुर के दुरभाष नंबर 0771-2427449 म संपर्क करे जा सकत हे।



रायगढ़ जिला के मिनी स्टेडियम म तहसील कार्यालय के आघू म 15 मई ले 21 मई 2018 तक भारतीय वायु सेना म आई.ए.एफ. सिक्योरिटी पद बर भर्ती रैली के आयोजन करे जाही। 16 मई के दिन बिहनिया 4 बजे ले ग्रुप वाई आई ए एफ एस पीटी लिखितत परीक्षा होही। ये टेस्ट म जिला दंतेवाड़ा, बस्तर, दुर्ग, रायपुर, राजनांदगांव, धमतरी, महासमुंद, कांकेर, बीजापुर, सुकमा, कोण्डागांव, नारायणपुर, गरियाबंद अउ बालोद जिला के आवेदक सम्मिलित हो सकत हें। वायु सेना भर्ती रैली म सम्मिलित होए बर वांछित योग्यता हायर सेकेण्डरी परीक्षा 50 प्रतिशत उर्त्तीर्ण अउ अंगरेजी विसय म घलोक 50 प्रतिशत उत्तीर्ण होना अनिवार्य हे।




आयु सीमा आवेदक के जन्म तारीक 7 जनवरी 1998 ले 2 जनवरी 2002 के बीच होना चाही। ऊँचाई 152.5 सेटीमीटर होना जरूरी हे। आवेदक ल भर्ती स्थल म 10वीं अउ 12वीं कक्षा के उत्तीर्ण मार्कशीट अउ जाति, निवास प्रमाण पत्र आदि प्रस्तुत करना होही अउ दू-दू छायाप्रति घलोक प्रस्तुत करना होही। आवेदक ल स्वंय के एकदम नवा पासपोर्ट साईज के 7 फोटो प्रस्तुत करना अनिवार्य हे।

मुहाचाही:  पंचायती राज व्यवस्था म सरपंच मन के महत्वपूर्ण भूमिका- केन्द्रीय इस्पात राज्यमंत्री श्री साय