Yojana

द्विवर्षीय विभागीय एमएड पाठ्यक्रम म प्रवेश बर : ऑनलाइन आवेदन 15 अप्रैल ले शुरू

4 जून के दिन होही प्रवेश परीक्षा

रायपुर, 4 अप्रैल 2018। द्विवर्षीय एम.एड. विभागीय प्रशिक्षणार्थी मन बर 15 अपरेल ले ऑनलाइन आवेदन करे जा सकत हे।। राज्य शैक्षिक अनुसंधान अउ प्रशिक्षण संस्थान के वेबसाइट http://scert.cg.gov.in म एक मई 2018 निरधारित तारीक तक ऑनलाइन आवेदन करे जा सकत हे।
प्राचार्य शिक्षा महाविद्यालय रायपुर ले प्राप्त जानकारी के अनुसार ऑनलाइन आवेदन करइया विभागीय प्रशिक्षणार्थी मन ल एम.एड. सत्र 2018-20 बर प्रशिक्षण देहे जाही। प्रशिक्षण बर ऑनलाइन आवेदन करइया अभ्यर्थी मन ल वेबसाईट ले हार्ड कापी प्रिन्ट करके जरूरी कागद 8 मई तक संबंधित स्कूल के प्राचार्य कोति ले अग्रेषित करात अपन जिला शिक्षा अधिकारी तीर जमा करना होही। अइसन अभ्यर्थी जऊन शासकीय शिक्षक प्रशिक्षण संस्था मन म कार्यरत हें, ओ मन अपन संस्था प्रमुख ले आवेदन अग्रेषित करात संचालक एस.से.ई.आर.टी. के माध्यम ले संबंधित शासकीय शिक्षा महाविद्यालय म निरधारित तारीक तक प्रेषित करना सुनिश्चित करहीं। अधिकारी मन ह बताइन कि एम.एड. विभागीय प्रवेश बर चयन परीक्षा 4 जून 2018 के दिन शासकीय शिक्षा महाविद्यालय शंकर नगर रायपुर म आयोजित करे जाही। चयन परीक्षा के प्राप्तांक के अनुसार तैयार करे गए मेरिट के आधार म एम.एड. प्रशिक्षण बर अभ्यर्थी मन के चयन करे जाही। ए संबंध म जादा जानकारी बर अभ्यर्थी जिला शिक्षा अधिकारी ले सम्पर्क कर सकत हें।


मुहाचाही:  राजनांदगांव, बिलासपुर अऊ गरियाबंद के 463 पंचायत प्रतिनिधि अध्ययन भ्रमण म