बृजमोहन अग्रवाल

मुख्यमंत्री ह करिस ‘विचार प्रवाह‘ के विमोचन

रायपुर, 30 अप्रैल 2018। मुख्यमंत्री डॉ. रमन सिंह ह आज जिला मुख्यालय राजनांदगांव म श्री गौतम पारख के पुस्तक ‘विचार प्रवाह‘ के विमोचन करिन। उमन लेखक श्री पारख के व्यक्तित्व अऊ कृतित्व के प्रशंसा करत कहिन कि श्री पारख ह ए पुस्तक म अपन विचार ल बड़ बेबाकी ले प्रस्तुत करे हें। श्री पारख म संत कबीर के जइसे खरी-खरी बात कहे के साहस नजर आथे। लेखक सांसारिक जीवन म हे अऊ आजीविका बर व्यवसाय घलोक करत हे फेर भीतर ले ओखर हृदय संन्यासी के जइसे हे।




उमन श्री गौतम पारख ल उंखर पुस्तक के प्रकाशन म बधाई अऊ शुभकामना दीन। ए मौका म लेखक के बड़े भाई अऊ बीस सूत्रीय कार्यक्रम समिति के उपाध्यक्ष श्री खूबचंद पारख ह घलोक समारोह ल सम्बोधित करिन। पुस्तक के सम्पादन म वरिष्ठ पत्रकार श्री सुशील कोठारी अऊ वरिष्ठ शिक्षक श्री जी.एस. शर्मा ह सहयोग देहे हें। समारोह म लोकसभा सांसद श्री अभिषेक सिंह ह घलोक पुस्तक प्रकाशन म लेखक श्री गौतम पारख ल बधाई दीन।
ए मौका म नगर निगम राजनांदगांव के महापौर श्री मधुसूदन यादव, राज्य भंडार गृह निगम के अध्यक्ष श्री नीलू शर्मा, राज्य उर्दू अकादमी के अध्यक्ष श्री अकरम कुरैशी, राज्य समाज कल्याण बोर्ड के अध्यक्ष श्रीमती शोभा सोनी, नागरिक आपूर्ति निगम के पहिली अध्यक्ष श्री लीलाराम भोजवानी, राजगामी संपदा न्यास के अध्यक्ष श्री रमेश पटेल, राजगामी संपदा न्यास के पहिली अध्यक्ष श्री संतोष अग्रवाल, राज्य अंत्यावसायी निगम के सदस्य श्री पवन मेश्राम अऊ नगर निगम के सभापति श्री शिव वर्मा संग बड़ संख्या म प्रबुद्धजन उपस्थित रहिन।


मुहाचाही:  प्रेस क्लब रायपुर के प्रवेश द्वार नवा बनही : फव्हारा ले होही सौदर्यींकरण