Yojana

विधिक सहायता के संग पंचायत प्रतिनिधि मन ल निःशुल्क कानूनी मदद

रायपुर. 02 अपरेल 2018। हमर छत्तीसगढ़ योजना के आवासीय परिसर, नवा रायपुर के उपरवारा स्थित होटल प्रबंधन संस्थान म स्थापित विधिक सहायता क्लिनिक ले पंचायत प्रतिनिधि मन ल निःशुल्क कानूनी सलाह अउ मदद मिलत हे। योजना के तहत अध्ययन भ्रमण म आवइया पंच-सरपंच मन ल उंखर पंचायत ले जुड़े या निजी मामला म आवासीय परिसर म संचालित विधिक सहायता क्लिनिक म निःशुल्क मार्गदर्शन देहे जात हे। रायपुर जिला विधिक सेवा प्राधिकरण के पैनल अधिवक्ता श्री शाहिर लुधियानवी खान ओ मन ल शासन कोति ले मुहैया कराए जाय वाले निःशुल्क विधिक सेवा मन के बारे म बताथें।



अध्ययन भ्रमण म राजधानी रायपुर आए बिलासपुर, रायगढ़, मुंगेली अऊ महासमुंद जिला के पंचायत प्रतिनिधि मन ह आज इहां आवासीय परिसर के विधिक सहायता क्लिनिक म कई ठन कानूनी मसला मन म सलाह-मशविरा करिन। अधिवक्ता श्री शाहिर लुधियानवी खान ह पंचायत प्रतिनिधि मन अउ ऊंखर कुटुंब ले संबंधित घरेलू हिंसा, भरण पोषण, मोटर दुर्घटना दावा, जमीन नामांतरण, पेंशन, अनुकम्पा नियुक्ति, जाति प्रमाण पत्र अउ आबादी जमीन पात्रता संबंधी बहुत अकन मसला म निःशुल्क सलाह अउ मार्गदर्शन दीन।


मुहाचाही:  सौभाग्य योजना: छत्तीसगढ़ म अब तक 1.86 लाख ले जादा घर ल मिलीस बिजली के कनेक्शन