जशपुर डॉ. रमन सिंह विकास यात्रा

मुख्यमंत्री ह दुलदुला म 100 सीट के कौशल विकास केन्द्र शुरू करे के करिस घोषणा

  • दुलदुला म 103 करोड़ के 300 निर्माण कार्य के लोकार्पण-शिलान्यास
  • बारा हजार परिवार ल आबादी पट्टा
  • ढाई हजार किसान मन ल 4.66 करोड़ के धान बोनस,
  • कई ठन योजना मन म 21,426 हितग्राही मन ल 6 करोड़ के समान बांटे गीस

रायपुर, 11 जून 2018। मुख्यमत्री डॉ. रमन सिंह प्रदेश व्यापी विकास यात्रा के तहत आज जशपुर जिला के विकासखंड मुख्यालय दुलदुला म आयोजित आमसभा म 103.59 करोड़ रूपिया के 300 निर्माण काम मन के लोकार्पण अऊ शिलान्यास करिन। एमां 50.10 करोड रूपिया के 81 काम मन के लोकार्पण अऊ 53.49 करोड़ के लागत ले 219 काम मन के भूमिपूजन संघरे हे। एखर अलावा मुख्यमंत्री कई ठन योजना मन म 21 हजार 426 हितग्राही मन ल 6.06 करोंड़ रूपिया के कई ठन समान, सहायता राशि के चेक मन ल तको बांटिन।
मुख्यमंत्री ह आम सभा म दुलदुला म 100 सीट के कौशल विकास केन्द्र शुरू करे के घोषणा करिन। उमन ए अवसर म 2463 किसान मन ल 4.66 करोड़ के धान बोनस, 12 हजार 010 परिवार ल आबादी पट्टा, प्रधानमंत्री उज्ज्वला योजना म 5 हजार महिला मन ल रसोई गैस कनेक्शन अऊ 1835 श्रमिक मन ल सायकल, औजार संग कई ठन योजना मन म हितग्राही मन ल जिनिस बांटिंन।
मुख्यमंत्री डॉ. सिंह ह दुलदुला के आमसभा म जऊन प्रमुख काम मन के लोकार्पण करिन, ओमां 36.30 करोड़ रूपिया के लागत ले बालाछापर आरा मार्ग, 8.18 करोड़ रूपिया के लागत ले खोखसो-बेंजोरा ले लुखी-मधवा मार्ग, 80 लाख रूपिया के लागत ले 16 सोलर हैण्डपंप, 69 लाख रूपिया के लागत ले तहसील कार्यालय म 4 सोलर पावर प्लान्ट अऊ 23 लाख रूपिया के लागत ले एस.आर.एल.एम सेन्टर के निर्माण संघरे हे। मुख्यमंत्री ह आमसभा म जऊन काम मन के भूमिपूजन करिन, ओमां मुख्य रूप ले 18.49 करोड़ रूपिया के लागत ले गायबुड़ा ले कैलाश गुफा मार्ग, 17.83 करोड़ रूपिया के लागत ले दमेरा होत होइन चराईडांड़ मार्ग, 3.77 करोड़ रूपिया के लागत ले बगीचा ले डुमरटोली मार्ग म डोड़की नदी म जादा स्तरीय पुलिया निर्माण, 3 करोड़ 76 लाख रूपिया के लागत ले पण्डरापाठ अऊ रौनी म सौ सीटर प्री.मैट्रिक आदिवासी कन्या छात्रावास के भूमिपूजन करे गीस।

मुहाचाही:  मुख्यमंत्री सामिल होइन नगरा गांव के समाधान शिविर म