Success Stories सोनमणि बोरा

छत्तीसगढ़ ल मिलीस ’’वाटर डाईजेस्ट अवार्ड’’

जल संसाधन विभाग के सचिव श्री सोनमणि बोरा ह केन्द्रीय जल संसाधन राज्यमंत्री श्री अर्जुन राम मेघवाल के हाथ झोंकिन पुरस्कार

रायपुर, 22 मार्च 2018। जल संरक्षण संवर्धन अउ सिचाई क्षमता ल बढा़ए के दिशा म करे गए उल्लेखनीय काम मन बर छत्तीसगढ़ ल राष्ट्रीय पुरस्कार ले नवाजे गए हे। नई दिल्ली म काल विश्व जल दिवस म आयोजित समारोह म छत्तीसगढ़ के जल संसाधन विभाग ल ’’वाटर डाईजेस्ट अवार्ड’’ ले नवाजे गीस। ये पुरस्कार छत्तीसगढ़ के जल संसाधन विभाग के सचिव श्री सोनमणि बोरा ह केन्द्रीय जल संसाधन राज्यमंत्री श्री अर्जुन राम मेघवाल के हाथ झोंकिन। ए अवसर म सचिव जल संसाधन भारत सरकार श्री यूपी सिंह, चेयरमेन सैन्ट्रल वाटर कमिश्न एडिशनल सेक्रेटरी श्री मसूद हुसैन अऊ महानिदेशक क्लीन गंगा मिशन श्री राजीव रंजन मिश्रा, अकतहा सचिव श्री कुंडू, प्रमुख अभियंता जल संसाधन विभाग छत्तीसगढ़ श्री एच.आर. कुटारे, मुख्य अभियंता श्री भागवत, यूनेस्को के वरिष्ठ अधिकारी उपस्थित रहिन।



ये अवार्ड हर साल जल संसाधन उपर केन्द्रित प्रतिष्ठित पत्रिका ’’वाटर डाइजेस्ट’’ कोति ले दे जाथे। ए साल ये पुरस्कार छत्तीसगढ़ म सिंचाई क्षमता बढ़ाए, सामुदायिक भागीदारी ले जल संवर्धन अउ जल प्रबंधन, जल संरक्षण-संवर्धन, नदिया मन के इंटरलिंकिग के दिशा म काम अउ सिंचाई सुविधा मन म अभिनवकारी तकनीकी के प्रयोग के दिशा म करे गए उल्लेखनीय काम बर देहे गीस। ये पुरस्कार केन्द्रीय जल संसाधन नदी विकास अऊ गंगा सफाई मंत्रालय, यूनेस्को, केन्द्रीय जल बोर्ड, केन्द्रीय जल आयोग अऊ गंगा सफाई के राष्ट्रीय मिशन के सहयोग ’’वाटर डाईजेस्ट’’ कोति ले दे गीस।
ये वाले पुरस्कार जल संसाधन म उत्कृष्ट सेवा बर कई ठन श्रेणी मन म देहे जाथे। वाटर डाईजेस्ट अवार्ड ल यूनेस्को के मान्यता मिले हे। राज्य निर्माण के बाद पाछू करीबन 17 साल म ये पहिली अवसर हे जब छत्तीसगढ़ सरकार के जल संसाधन विभाग ल राष्ट्रीय पुरस्कार ले नवाजे गए हे। ए उपलब्धि बर मुख्यमंत्री डॉ. रमन सिंह अउर जल संसाधन मंत्री श्री बृजमोहन अग्रवाल ह जल संसाधन विभाग के सचिव श्री सोनमणि बोरा अउ उंखर पूरा टीम ल बधाई देहे हे। ये अवार्ड छत्तीसगढ़ के जल संसाधन विभाग ल बेस्ट कम्यूनिटी प्रोजेक्ट ऑफ द ईयर ए वाटर सेक्टर के गवर्नमेंट सेक्टर म पुरस्कार मिले हे।



मुहाचाही:  हमर सिंचाई योजना मन ल मिलत हे देश के सराहना -बृजमोहन