Rojgar Samachar Yojana

युवा कैरियर निर्माण योजना : पीएससी के तैयारी बर निःशुल्क कोचिंग बर 23 अप्रैल तक आवेदन आमंत्रित

प्राक्चयन परीक्षा 29 अप्रैल के दिन होही

रायपुर, 4 अप्रैल 2018। आदिम जाति अउ अनुसूचित जाति विकास विभाग कोति ले युवा कैरियर निर्माण योजना के तहत सिविल सेवा परीक्षा के तैयारी बर प्रदेश के अनुसूचित जाति अउ जनजाति अऊ आन पिछड़ा वर्ग के पात्र अभ्यर्थी मन बर कोचिंग के व्यवस्था कराए जाथे। विभागीय अधिकारी मन ह बताइन कि निःशुल्क कोचिंग के लाभ लेहे बर पात्र अभ्यर्थी अपन आवेदन 23 अप्रैल 2018 ल संझा 5 बजे तक संभागीय मुख्यालय के सहायक आयुक्त आदिवासी विकास के कार्यालय म जमा कर सकत हें।



प्रदेश के सबो संभागीय मुख्यालय मन, रायपुर, बिलासपुर, दुर्ग, अम्बिकापुर अऊ जगदलपुर म 29 अप्रैल 2018 के दिन 11 ले 2 बजे मंझनिया तक प्राक्चयन परीक्षा आयोजित करे जाही। प्राक्चयन परीक्षा म प्राप्त अंक मन के वरीयता के आधार म निःशुल्क कोचिंग के लाभ लेहे बर अभ्यर्थी मन के चयन करे जाही। राज्य म स्थित अनुबंधित निजी कोचिंग संस्था मन के माध्यम ले चुने गए अभ्यर्थी मन ल प्रशिक्षण देहे जाही। विस्तृत जानकारी बर विभाग के वेबसाईट www.tribal.cg.gov.in के अवलोकन करे जा सकत हे।


मुहाचाही:  हायर सेकेण्डरी स्कूल के पढ़ईया लईका मन ह देखिन विधानसभा